ქართული კვალი მოდისა და ხელოვნების ისტორიაში

აღწერა

ნათელა ფოცხვერიას ლექცია (ნათელი თბილისი)რა აქვთ საერთო სვანურ ვერცხლის სამკაულებს, ლეგენდარულ ჩაფრასტებს, კრისტიან ლაკრუასთან და გურულ ხალხურ კოსტუმებს სალვადორ დალის ნახატებთან? შანელის მაღალი მოდის არქივიდან დემნას რადიკალურ მინიმალიზმამდე, კარტიეს ლეგენდარული საცავებიდან ჯონ გალიანოს თეატრალურ სამყარომდე საქართველომ ნატიფი და ამავდროულად წარუშლელი კვალი დატოვა მსოფლიო მოდასა და ხელოვნებაში.ნათელა ფოცხვერიას მიერ დაფუძნებულია პოპულარული კულტურული პლატფორმა „ნათელი თბილისი“. გლობალურ მოდის რუკაზე კი საქართველოს ადგილის კვლევას ემსახურება მისი კიდევ ერთი ინოვაციური პროექტი - Georgian Infusion.მოდის ჟურნალისტ ნათელა ფოცხვერიასთან ერთად, რომელსაც Harper's Bazaar-ში, Vogue-ში, ენდი უორჰოლის Interview-ში, InStyle-ში, Robb Report-სა და სხვა გამოცემებში მუშაობის 15-წლიანი გამოცდილება აქვს, იმოგზაურებთ მოდის უსაზღვრო სამყაროში.ამ ექსკლუზიურ ლექციაზე ნათელა მოგვითხრობს საინტერესო ისტორიებს იმ ქართველ არისტოკრატებზე, რომლებიც ევროპული სილამაზის ბრენდების სათავესთან იდგნენ, და Cartier-ს ულამაზეს სამკაულებში კოლხური ხელოვნების კვალზე, ასევე მომავალი გამოფენის ზოგიერთ დეტალზე.ეს ლექცია მსოფლიო მოდის ბევრისთვის უცნობ არაერთ ფაქტს ეძღვნება, რომელთა ცენტრში საქართველოა და იმ გავლენას, რომელიც საქართველომ მოახდინა მსოფლიო მოდისა და სტილის ისტორიაში.ლექცია ჩატარდება რუსულ ენაზე.კარი იღება: 19:30დასაწყისი: 20:00ასაკობრივი შეზღუდვა — 12+ღონისძიების ხანგრძლივობა 1,5 საათილექცია გაიმართება გრიბოედოვის თეატრის მცირე დარბაზში.გთხოვთ, გაითვალისწინოთ, რომ მცირე დარბაზის შესასვლელი მდებარეობს სავაჭრო ცენტრ Galleria Tbilisi-ის უკანა მხარეს, უშუალოდ Liberty Theatre-ის გვერდით.